Unoca ta entrega buki di cortesia na scolnan di Aruba.

Awe diahuebs 9 di september 2010, Michael a pasa na diferente scolnan di Aruba pa entrega e buki di "Ange Perez Idolo di Aruba su futbol".  Di e manera aki e hubentud di Aruba ta haya mas chens ainda di cera conoci cu e idolo di Aruba su futbol. E bunita gesto aki di Unoca ta parti di nan maneho ora nan financia un proyecto. E scolnan cu a haya buki ta entre otro: La Salle College, EPB Hato, Scol Basico Sta. Anna, Scol Basico Sint Aloysius, Scol Basico Washington y Colegio Felipe B. Tromp.

Alumnonan hunto cu director D. Brunk di La Salle College ricibiendo nan bukinan for di man di Michael.

Hopi orguyoso Melany Perez (para memey dilanti) tabata ora cu Michael a entrega buki di su welo Ange Perez na e demas alumnonan y directora juffrouw Lampe di Scol Basico Washington.

Hopi alegria tabata tin na Scol Basico Sint Aloysius ora di entrega e bukinan na alumnonan.

Momento cu Michael ta entrega su obra na director Pedro Tromp y alumnonan di Scol Basico Sta. Anna na Noord.

Na Colegio Felipe B. Tromp tambe nan a keda masha contento cu nan materialnan nobo pa nan educacion.

Na EPB Hato, Michael a duna un splicacion con a scirbi e buki y a conta e biografia di Ange Perez dilanti klas. E alumnonan a mustra di ta masha interesa pa bay lesa e buki. 

Bon Dia Aruba di 31 augustus 2010

E siguiente a wordo publica riba dia 31 di augustus den Bon Dia Aruba.

Publicacion di Awe Mainta dialuna 6 di september 2010

Awe Mainta a publica awe e siguiente articulo tocante e buki di "Ange Perez - Idolo di Aruba su futbol".

Toko Winklaar di Awe Mainta a ricibi su buki di Ange Perez Idolo di Aruba su futbol

Tabata diabierna atardi cu mi a bishita Toko Winklaar pa entrega na su persona un buki.

Nos a hiba un combersacion masha ameno di e temponan aya di futbol. Toko tambe a hunga futbol pa Dakiota y te asta a yega di hunga contra di Ange. 

Gobernador Fredis Refunjol a ricibi buki di Michael Tromp

Diabierna 3 di september 2010 Michael a entrega Gobernador Fredis Refunjol un buki di Ange Perez – Idolo di Aruba su futbol. Tabata un mainta masha agradabel den compania di Gobernador.

Michael Tromp a wordo invita pa ta den e programa di Time Out cu Claret Lopez

Diamars 31 di augustus 2010 mi a wordo invita pa Claret Lopez pa ta den su programa “Time Out” na ATV canal 15. Claret a presenta e buki “Ange Perez – Idolo di Aruba su futbol” na su oyentenan y a recomenda pa tur cas na Aruba tin e buki aki den nan coleccion.

Diadomingo 29 augustus 2010 e buki "Ange Perez Idolo di Aruba su futbol" a wordo introduci na Sabana Liber. Hunto cu e buki un caya a wordo desvela na honor di e popular futbolista di Nort.

Diadomingo 29 augustus 2010 e buki "Ange Perez Idolo di Aruba su futbol" a wordo introduci na Sabana Liber. Hopi hende a presencia e acto di introduccion y desvelamento di e buki y caya na honor di e popular futbolista Ange Perez. Presentenan tabata entre otro: Prome Minister mr. Mike Eman, Minister dr. Richard Visser, Minister Mike de Meza, Presidente di parlamento Paul Croes, miembro di parlamento Alexander Tromp, Directora di UNOCA Lupita Gil, Presidente di AVB Rufo Kelly, famianan, ex futbolistanan, hungadornan di Lifida Bubali y Estrella, bisiñanan y amigonan.

Su excelencia Minister dr. Richard Visser hunto cu D.O.W. a pone un caya na Sabana Liber disponibel pa honra mi Omo Ange Perez.

Hunto cu mi swa Mario (Anthony) Ridderstap nos a logra haya di su excelencia Minister dr. Richard Visser hunto cu D.O.W. un caya na Sabana Liber disponibel pa honra mi Omo Ange Perez. E caya lo wordo desvela despues cu e buki wordo introduci dia 29 augustus 2010 na e subida di Sabana Liber pa Kudawecha despues di e molina banda drechi. Carchi di invitacion a wordo parti pa tur futbolista cu a yega di hunga cu Ange den pasado y pa famianan y amigonan.

Jubi Naar ta publica un bunita articulo den Diario di e buki di Ange Perez.

E siguiente tabata un sorpresa pa nos ora cu Jubi Naar a publica un articulo den e Diario di diamars 10 di augustus 2010. Nos no a conta niun hende cu e buki a yega pasobra e idea tabata pa presenta e buki hunto cu un caya na honor di Ange Perez. Pero e comentarionan di Jubi tabata tremendo...mesora e yamadanan a cuminsa drenta pa cumpra buki.

Porfin e buki di "Ange Perez - Idolo di Aruba su futbol" a keda cla.

Tabata dia 4 di augustus 2010 cu mi a haya un yamada di UNOCA cu mi buki di "Ange Perez - Idolo di Aruba su futbol" ta cla y nan a yega Aruba y cu mi por pasa buscanan. Hopi bunita e buki a keda imprenta...cu un calidad hopi halto. Danki UNOCA pa a financia mi buki!